Zəlimxan Yusupov həbs edildi

Məşhur pop-MMA döyüşçüsü Zəlimxan Yusupov Moskvada sərxoş vəziyyətdə avtomobil idarə etdiyinə görə həbs edilib.

News24.az xəbər verir ki, polis 33 yaşlı Yusupovun idarə etdiyi Hongai H5 markalı avtomobili saxlayıb. O, əvvəllər tibbi müayinədən imtina etməkdə ittiham olunmuşdu. Bu dəfə də vəziyyət təkrarlanıb. Döyüşçüyə qarşı cinayət işi açılıb.

Qeyd edək ki, Zəlimxan təkcə döyüşləri ilə deyil, həm də işdən kənar davaları ilə tanınır. 2022-ci ildə döyüşçü həmkarı ilə mübahisədən sonra Dağıstanda döyülüb. Elə həmin ilin sonlarında Moskva bölgəsində belaruslu kikboksçuya hücum edib. 2024-cü ildə isə Zəlimxan başqa bir dava zamanı güllələnib. (Unikal)