Əli İsa Cabbarov AKİ-dən getdi

Rejissor və ssenari müəllifi Əli İsa Cabbarov Azərbaycan Kinematoqrafçılar İttifaqından çıxıb.

News24.az xəbər verir ki, bu barədə İttifaqın idarə heyətinin üzvü Kamran Qasımov məlumat yayıb.

O bildirib ki, bu gün iclas keçirilib və sədrin səlahiyyəyləti müvəqqəti Xalq artisti Şəfiqə Məmmədovaya həvalə olunub.

Eyni zamanda aktrisa sədr vəzifəsinə irəli sürüləcək yeganə namizəd kimi seçilib.

Ə.Cabbarov ittifaqın katibliyi və üzvlüyündən öz ərizəsi ilə azad edilib.

Qurultay sentyabrın birinci yarısında keçiriləcək və sədr seçkisi baş tutacaq.