Avtoqəza zamanı avtomobil YANDI - FOTOLAR

Avtoqəza zamanı avtomobil YANDI - FOTOLAR
HADİSƏ

12 may 2020, 23:03

Mətn ölçüsü

Bakının Nizami rayonunda yol-nəqliyyat hadisəsi zamanı bir nəfər ağır xəsarət alıb.

News24.az APA-ya istinadən xəbər verir ki, hadisə Heydər Əliyev prospektində qeydə alınıb.

Nəbiyev Mahir Həsən oğlu yüksək sürətlə idarə etdiyi "Opel" markalı avtomobili Nizami Rayon Polis İdarəsinin 23-cü Polis Bölməsinin qarşısında hərəkətsiz dayanan "Toyota" markalı nəqliyyat vasitəsinə çırpıb. Nəticədə "Opel"in sürücüsü ağır xəsarət alaraq xəstəxanaya yerləşdirilib.

Qəzaya uğrayan avtomobil yanmağa başlayıb. Yaxınlıqdakı bölmənin növbətçi hissəsinin əməkdaşları yanan avtomobili söndürməyə çalışıb. Daha sonra əraziyə FHN-in Yanğından Mühafizə Xidmətinin əməkdaşları cəlb edilib. Avtomobil söndürülüb. "Toyota" markalı nəqliyyat vasitəsinin sürücüsü APA-ya bildirib ki, "Opel"in sürücüsü sərxoş vəziyyətdə olub.