Azərbaycanda itləri döyüşürüb bir-birinə yedirirlər - DİN məsələyə qarışdı
    • 26-05-2020, 13:17
    • 671

Azərbaycanda itləri döyüşürüb bir-birinə yedirirlər - DİN məsələyə qarışdı

Sumqayıtda it döyüşləri təşkil edənlərlə bağlı araşdırmalara başlanılıb.

News24.az Qafqazinfo-ya istinadən verdiyi xəbərə görə, sosial şəbəkələrdə itlərin döyüşdürülərək bir-birini parçalaması barədə videogörüntülər yayılıb. Məlumatda qeyd olunub ki, Mətləb adlı şəxs “Pitbull” fermasında it döyüşləri təşkil edir. İddiaya görə, itlərə narkotik vurub, ölənə qədər döyüşdürürlər. Qeyd edilir ki, hətta küçədən adi itləri tutub, döyüşçü itlərin önünə atırlar. “Pitbull” küçə itini öldürdükdən sonra isə onun cəsədi doğranılır və cavan döyüş itlərinə yedizdirilir. 

Daxili İşlər Nazirliyinin mətbuat xidmətinin rəisi, polis polkovniki Ehsan Zahidov bildirib ki, sosial şəbəkələrdə yayılan videogörüntülər nəzarətə götürülüb və müvafiq qaydada araşdırma aparılır.

Sosial şəbəkələrdə təşkilatçılardan biri olduğu qeyd edilən şəxs haqda məlumat yayılıb. Özünü Mister Yavo kimi təqdim edən şəxs “Qafqazinfo”ya açıqlamasında bir neçə il əvvəl Sumqayıtda it döyüşdürdüklərini etiraf edib: “Cavan olmuşuq, bilməmişik. Bunları etmişik. Amma indi belə şeylərdən uzağam. Özüm də 3 ildir Azərbaycanda yaşamıram. Yayılan görüntülər isə bizim döyüşlərdən deyil, bizə aidiyyatı yoxdur”.