“COVID-19” xəstəsi qonşusunun həyətində tutuldu

“COVID-19” xəstəsi qonşusunun həyətində tutuldu
HADİSƏ

24 noyabr 2020, 12:40

Mətn ölçüsü

Saatlıda yaşadığı ünvanı tərk edən “COVID-19” xəstəsinin yeri müəyyən edilib və barəsində araşdırmalara başlanılıb.

DİN Mətbuat Xidmətinin Bərdə regional qrupundan News24.az-a verilən məlumata görə, polis əməkdaşları tərəfindən rayon ərazisində koronavirus testi müsbət çıxmış şəxslərin yaşadığı ünvanı tərk edib-etməməsi yoxlanılıb.

Bu zaman bir nəfər rayon sakini olan K. Sadıqovun  karantin qaydalarına zidd davranaraq evini tərk etdiyi və qonşuluqda yaşayan sakinlərin evinin həyətinə daxil olaraq xəstəliyin yayılmasına real təhlükə yaratdığı müəyyən edilib. Həmin şəxsin qanunazidd hərəkətlərinin qarşısı alınıb və müalicəsinin davam etdirmək üçün yenidən yaşadığı ünvana gətirilib. 

Saatlı RPŞ-nin İstintaq Bölməsində araşdırma aparılır.