600 hektar ərazi kül oldu

Fransanın cənubundakı Var əyalətində yanğın baş verib.

News24.az xəbər verir ki, Var yanğınsöndürmə briqadasının verdiyi açıqlamaya görə, yerli vaxtla saat 15:00 radələrində Vidauban qəsəbəsində yaşıl sahədə yanğın baş verib.

Yanğına müdaxilə etmək üçün hadisə yerinə 430 yanğınsöndürən, 3 təyyarə, 2 helikopter və 137 texnika göndərilib.

Hələlik nəzarət altına alınmayan yanğın indiyədək 600 hektar yaşıllıq sahəsini məhv edib. Can itkisi olmayıb.

Vidauban və Plan-de-la-Tur şəhərlərini birləşdirən yol nəqliyyat vasitələrinin hərəkəti üçün bağlanıb.

Qeyd edək ki, hər iki qəsəbənin müəyyən hissələrində yaşayan vətəndaşlar təxliyə edilib.

Günel Məlikzadə