Qadın kargüzarı döyən vəzifəli şəxs tutuldu

Qadın kargüzarı döyən vəzifəli şəxs tutuldu
HADİSƏ

11 iyun 2021, 13:31

Mətn ölçüsü

Martın 4-də rayonun Kür Qəsəbə Mənzil İstismar Sahəsində (MİS) kargüzar işləyən A. K.-nın həmin MİS-in rəisi Vazeh Vəliyev tərəfindən döyülməsi və V. Vəliyevin iş yerində daim münaqişə yaratması ilə bağlı müraciətləri əsasında rayon prokurorluğundan araşdırma aparılıb.

Baş Prokurorluqdan News24.az-a verilən məlumata görə, araşdırmalarla V. Vəliyevin vəzifə səlahiyyətlərini aşaraq tabeçiliyində işləyən kargüzar A. K.-ya zor tətbiq etməklə sonuncuya xəsarət yetirməsi faktına görə barəsində Cinayət Məcəlləsinin 309.2-ci maddəsi ilə cinayət işi başlanıb. 

V. Vəliyev şübhəli şəxs qismində tutulub.