Bakıda tikintidə bədbəxt hadisə : Fəhlənin üstünə beton düşdü

Səbail rayonundakı tikinti meydançalarının birində bədbəxt hadisə baş verib.

News24.az-ın əldə etdiyi məlumata görə, hadisə oktyabrın 28-i saat 23 radələrində Salyan yolu 16-da yerləşən “Baku “Automation and Construction” MMC-də baş verib.

Tikinti meydançasında Bakı şəhər sakini 1995-ci il təvəllüdlü Yusif Yusifovun üzərinə beton düşüb.

Xəstəxanaya yerləşdirilmiş Y.Yusifovun vəziyyəti orta-ağırdır.

Hadisə ilə bağlı araşdırma aparılır.

Yaşar Araz