Dərsdə fişəng yandırdı, sinif yoldaşlarını yaraladı - Rusiyada

Rusiyanın Perm vilayətinin Çaykovski şəhərində məktəbdə beşinci sinif şagirdi dərs zamanı məktəbə gətirdiyi pirotexniki vasitəni partladıb.

News24.az xəbər verir ki, Regional Təhsil Nazirliyinin məlumatına görə, nəticədə üç şagird yanıq xəsarətləri alıb.

Departament uşağın gizlicə binaya təhlükəli pirotexnik partladıcı gətirdiyini qeyd edib. Yaralı şagirdlər təcili yardım işçiləri tərəfindən müayinə edilib. Onlardan biri xəstəxananın təcili yardım şöbəsinə göndərilib.

Perm Təhsil Nazirliyi və bələdiyyə administrasiyası hadisənin səbəblərini araşdırmağa başlayıb.