İsmayıllıda ağır qəza - 2 ölü, 6 yaralı - YENİLƏNDİ

İsmayıllı rayonunda baş verən ağır yol-nəqliyyat hadisəsi nəticəsində ölənlər var.

News24.az xəbər verir ki, hadisə rayonun Təzəkənd-Diyallı yolunda qeydə alınıb.

"Lynk & Co" və "Hyundai" markalı avtomobillər toqquşub. Qəza nəticəsində "Hyundai"da olan iki nəfər ölüb.

DİN-in Mətbuat Xidmətinin regional qrupundan bildirilib ki, faktla bağlı cinayət işi başlanılıb, araşdırma aparılır./Report

12:55

İsmayıllı rayonunda baş verən ağır yol-nəqliyyat hadisəsi nəticəsində iki nəfər ölüb, 6 nəfər xəsarət alıb.

News24.az xəbər verir ki, qəzada xəsarət alanlar İsmayıllı Rayon Mərkəzi Xəstəxanasına yerləşdirilib.

16:09

Muğanlı-İsmayıllı magistral yolunun Diyallı kənd ərazisində baş verən yol-nəqliyyat hadisəsi səbəbilə xəsarət alan 7 nəfər (4 kişi, 3 qadın) 20.08.2026-cı il tarixində saat 12:15 radələrində İsmayıllı Rayon Mərkəzi Xəstəxanasının Təcili tibbi yardım şöbəsinə hospitalizasiya olunub.

TƏBİB-dən News24.az-a verilən xəbərə görə, daxil olarkən pasiyentlərdən 6-nın vəziyyəti ağır olaraq qiymətləndirilib.

Hər birinə zəruri tibbi xidmətlər göstərilib.

Bir nəfər (kişi) valideynlərinin istəyi ilə tibbi xidmətdən imtina edib.

Aparılan reanimasiya tədbirlərinə baxmayaraq, vəziyyəti ağır qiymətləndirilən 1966-cı il təvəllüdlü şəxsin (qadın) saat 12:47-də ölüm faktı qeydə alınıb. Digər şəxslərin müalicəsi davam etdirilir.

Hadisə nəticəsində 02.07.2026-cı il təvəllüdlü körpənin (kişi) həkiməqədər ölüm faktı qeydə alınıb.