Kəngərlidə qəza - Körpə öldü, valideynləri xəsarət aldı

Kəngərlidə ağır yol qəzası baş verib, ölən var.

News24.az xəbər verir ki, Kəngərli rayonunun Xok kəndi ərazisində ağır yol-nəqliyyat hadisəsi baş verib.

Hadisə zamanı 77-KS-302 dövlət qeydiyyat nişanlı "KİA" markalı avtomobil aşıb. Nəticədə avtomobildə olan 1994-cü il təvəllüdlü Quliyev Məğrur Məşur oğlu və onun həyat yoldaşı, 2000-ci il təvəllüdlü Quliyeva Gülarə Elçin qızı müxtəlif xəsarətlər alıblar.

Yaralılar Naxçıvan Muxtar Respublika Xəstəxanasının Təcili tibbi yardım şöbəsinə yerləşdiriliblər.

Qəza nəticəsində onların övladı, 2026-cı il təvəllüdlü Qasımov Rəvan Məğrur oğlunun həyatını xilas etmək mümkün olmayıb.

Hadisə yerinə polis əməkdaşları cəlb olunub.

Faktla bağlı araşdırma aparılır./Report