Küləkli hava 2 nəfərə xəsarət yetirdi

Əlverişsiz hava şəraiti ilə əlaqədar iyulun 27-si tarixində Respublika Təcili və Təxirəsalınmaz Tibbi Yardım Mərkəzinə Bakı şəhəri üzrə 2 çağırış qeydə alınıb.

Bu barədə News24.az-ın sorğusuna cavab olaraq TƏBİB-dən məlumat verilib.

Bildirilib ki, çağırış ünvanlarına təcili tibbi yardım briqadası cəlb olunub:

"Saat 07:55 radələrində Səbail rayonu, Xəqani küçəsi ərazisindən qeydə alınan çağırış zamanı təcili tibbi yardım briqadası tərəfindən 1 nəfər (qadın) Kliniki Tibbi Mərkəzə hospitalizasiya olunub.

Saat 10:25 radələrində Nizami rayonu, Atletlər kəndi ərazisindən qeydə alınan çağırış zamanı isə 1 nəfər (kişi) Elmi-Tədqiqat Travmatologiya və Ortopediya İnstitutuna hospitalizasiya olunub"