Lənkəranda 3 yaşlı uşağın atası tərəfindən döyüldüyü bildirilir - Araşdırma başladıldı

Lənkəranda 3 yaşlı uşağın fiziki zorakılığa məruz qaldığı bildirilir.

News24.az xəbər verir ki, hadisə bu səhər şəhər ərazisində qeydə alınıb.

Belə ki, 2023-cü il təvəllüdlü Ə.E. müxtəlif dərəcəli bədən xəsarətləri ilə təcili olaraq Lənkəran Rayon Mərkəzi Xəstəxanasının təcili yardım şöbəsinə hospitalizasiya olunub.

Uşağa ilkin tibbi xidmətlər göstərilib, vəziyyəti ağır qiymətləndirilir.

Valideynləri ilkin məlumatda uşaqlarının digər uşaqlarla oynayarkən, xəsarət aldığını qeyd ediblər.

3 yaşlı uşağın atalığı tərəfindən döyüldüyü bildirilir.

Daxili İşlər Nazirliyinin Mətbuat Xidmətinin Lənkəran regional qrupundan bildirilib ki, hazırda qeyd edilən faktla bağlı Lənkəran Şəhər Rayon Polis Şöbəsində təhqiqat araşdırması aparılır.

Müvafiq ekspertiza təyin edilib, araşdırmanın nəticəsindən asılı olaraq hüquqi qiymət veriləcək./APA