Qadını mağazada döydü - Saxlanıldı+Video

Sosial şəbəkələrdə zoomağazada qadına qarşı zorakılıq göstərildiyini əks etdirən görüntülər paylaşılıb.

News24.az xəbər verir ki, zərərçəkmiş qadının qızı hadisənin videosunu yayaraq, şiddət törədən şəxsin anasını öldürməklə hədələdiyini bildirib:

“Anamı bıçaqla öldürməklə hədələyib və sonra döyməyə başlayıb. Anamın üzünə və sol qabırğasına bir neçə dəfə vurub. Hazırda anamın şiddətli ağrıları var”, - deyə o qeyd edib.

Əldə etdiyimiz məlumata görə, Bakıda qadına qarşı zorakılıq törədən şəxs polis əməkdaşları tərəfindən müəyyən olunub.

Keçirilən tədbirlərlə 1982-ci il təvəllüdlü Zamiq Xəlilov saxlanılıb.

Araşdırma aparılır.