Tovuz sakini 65 yaşlı bibisini qətlə yetirdi, cinayət işi açıldı - YENİLƏNDİ

Tovuz rayonunda silahlı insident baş verib.

News24.az xəbər verir ki, rayon sakini 1961-ci il təvəllüdlü M.İsayeva odlu silahdan açılan atəşlə qətlə yetirilib.

Hadisə yerinə polis və prokurorluq orqanı əməkdaşları cəlb olunub.

Polis əməkdaşları tərəfindən keçirilən tədbirlərlə əməli törətməkdə şübhəli bilinən 1997-ci il təvəllüdlü Ülvi İsayev saxlanılaraq istintaqa təhvil verilib. Onun qadının qardaşı oğlu olduğu bildirilib.

Faktla bağlı araşdırma başlanılıb./Qafqazinfo

14:03

Tovuzda qəsdən adam öldürmə faktı ilə bağlı cinayət işi başlanıb.

Tovuz rayon prokurorluğundan News24.az-a verilən məlumata görə, avqustun 6-da Tovuz rayonunun Əli Mərdanlı kəndi ərazisində 1961-ci il təvəllüdlü Məhəbbət İsayevanın meyitinin aşkar edilməsi barədə rayon prokurorluğuna məlumat daxil olub.

İlkin araşdırmalarla 1997-ci il təvəllüdlü Ülvi İsayevin şəxsi münasibətlər zəminində aralarında yaranmış mübahisə zamanı odun parçası ilə xəsarətlər yetirərək qohumu Məhəbbət İsayevanı qəsdən öldürməsinə əsaslı şübhələr müəyyən edilib.

Faktla bağlı Tovuz rayon prokurorluğunda Cinayət Məcəlləsinin 120.1-ci maddəsi (qəsdən adam öldürmə) ilə cinayət işi başlanıb, Ü.İsayev prokurorluq tərəfindən iş üzrə şübhəli şəxs qismində tutulub.

İbtidai istintaq davam edir.