Xaçmazda qəza - Ölən və yaralananlar var

Xaçmazda avtomobil ağaca çırpılıb, ölən və xəsarət alanlar var.

News24.az xəbər verir ki, Bakı-Quba-Rusiya ilə dövlət sərhədi ödənişli yolunun Xaçmazdan keçən hissəsində ölüm və xəsarətlə nəticələnən yol-nəqliyyat hadisəsi baş verib.

Belə ki, "BMW-X6" markalı avtomobil ödənişli yolda idarəetmədən çıxaraq Çinar ağacına çırpılıb.

Qəza nəticəsində avtomobildə olan altı nəfərdən bir nəfər 2002-ci il təvəllüdlü Əskərov Eltun Elşən oğlu ölüb, beş nəfər isə müxtəlif dərəcəli bədən xəsarətləri alıblar.

Yaralılar təcili tibbi yardım briqadalarının köməkliyi ilə xəstəxanaya çatdırılıblar.

Faktla bağlı araşdırma aparılır.