Yevlaxda yanacaqdoldurma məntəqəsində yanğın olub

Yevlaxda yanacaqdoldurma məntəqəsində yanğın baş verib.

News24.az əbər verir ki, hadisə “TOT Oil” yanacaqdoldurma məntəqəsində qeydə alınıb.

Belə ki, “Toyota Corolla” markalı, "77-FE-478" dövlət qeydiyyat nişanlı minik avtomobilinə yanacaq doldurularkən maşının yanacaq çənində yanğın baş verib.

Yanğın nəticəsində avtomobilin yanar hissələri və yük yerində olan 8 ədəd 20 litrlik plastik və dəmir qabda yanacaq yanıb. Yüksək temperaturun təsirindən yanacaqpaylayıcı kalonkanın idarəetmə lövhəsi qarsalanıb.

Hadisə zamanı avtomobilin sürücüsü qol nahiyəsindən yanıq xəsarəti alıb və təcili tibbi yardım briqadasına təhvil verilib.

Faktla bağlı araşdırma aparılır.