ÇL-də sükut dəqiqəsi: Oyunlar onları yad etməklə başlayacaq

UEFA Çempionlar Liqasının 2026/27 mövsümünə sabah liqa mərhələsinin ilk turunun oyunları ilə start veriləcək.

News24.az xəbər verir ki, ilk turda 36 komandanın iştirakı ilə 18 qarşılaşma keçiriləcək. Türkiyənin “Qalatasaray” klubu sentyabrın 9-da səfərdə “Sportinq”lə, “Fənərbağça” isə sentyabrın 10-da evdə İtaliyanın “Roma” komandası ilə qarşılaşacaq.

Azərbaycan təmsilçisi “Sabah” da ilk oyununu sentyabrın 10-da səfərdə İngiltərənin “Mançester Yunayted” klubuna qarşı keçirəcək.

Liqa mərhələsinin yekununda ilk 8 pillədə qərarlaşan komandalar birbaşa 1/8 finala yüksələcək. 9-24-cü yerləri tutan komandalar isə pley-off mərhələsində mübarizə aparacaq.

UEFA-dan bildirilib ki, Nepalda baş verən daşqınlarda həlak olanların xatirəsi ilə əlaqədar oyunlardan əvvəl bir dəqiqəlik sükut elan olunacaq.