Dünya Çempionatına vəsiqə qazanan daha bir ölkə

2026-cı il FIFA Dünya Çempionatının Afrika zonası üzrə seçmə mərhələsinin A qrupunun 9-cu turunda Misir səfərdə Cibuti ilə qarşılaşıb və rəqibini 3:0 hesabı ilə məğlub edib.

News24.az xəbər verir ki, qolları İbrahim Adil və Məhəmməd Salah vurub. Bu qələbə ilə Misir xallarını 23-ə yüksəldərək qrup liderliyini təmin edib və Dünya Çempionatına vəsiqə qazanıb.

Qeyd edək ki, 2026-cı il Dünya Çempionatı tarixdə ilk dəfə 48 komandanın iştirakı ilə keçiriləcək. Turnir 11 iyun – 19 iyul tarixləri arasında ABŞ, Kanada və Meksika tərəfindən birgə təşkil olunacaq.