"Neftçi" öndə olduğu matçda "Dinamo"ya uduzdu - YENİLƏNDİ

"Neftçi" UEFA Konfrans Liqasında mübarizəyə başlayıb.

"ağ-qaralar" II təsnifat mərhələsinin ilk oyununda Belarusun "Dinamo" (Minsk) komandasını qəbul edib.

"Palms Sports Arena"da keçirilən qarşılaşma rəqibin qələbəsi ilə yekunlaşıb - 4:2.

2-ci dəqiqədə Azərbaycan təmsilçisinin kapitanı Emin Mahmudov hesabı açıb. 8-ci dəqiqədə qonaqlardan Aleksandr Selyava avtoqol müəllifi olub.

Minsk komandasında qolları 36 və 57-ci dəqiqələrdə Karen Vardanyan, 47-ci dəqiqədə Yevgeni Malaşeviç, 77-ci dəqiqədə Gulzigit Alykulov vurublar.

Xatırladaq ki, cavab oyunu iyulun 30-da keçiriləcək. Cütün qalibi növbəti raundda "Jelezniçar" (Serbiya) - "Braqa" (Portuqaliya) duelinin güclüsü ilə görüşəcək.

21:39

UEFA Konfrans Liqasının II təsnifat mərhələsinin "Neftçi" - "Dinamo" (Minsk) oyununda altıncı qol vurulub.

Qonaqlar hesab arasındakı fərqi artırıblar - 2:4.

77-ci dəqiqədə Gulzigit Alykulov kobud oyuna görə penalti zərbəsi yerinə yetirib. Qapıçı Rza Cəfərov onun vuruşunu dəf etsə də, Alykulov ikinci cəhddə qapını dəqiq nişan alıb.

21:17

UEFA Konfrans Liqasının II təsnifat mərhələsinin "Neftçi" - "Dinamo" (Minsk) oyununda beşinci qol vurulub.

Qonaqlar hesabda önə keçiblər - 2:3.

57-ci dəqiqədə Karen Vardanyan dubl müəllifi olub.

21:08

UEFA Konfrans Liqasının II təsnifat mərhələsinin "Neftçi" - "Dinamo" (Minsk) oyununda dördüncü qol vurulub.

Qonaqlar hesabı bərabərləşdirib - 2:2.

47-ci dəqiqədə Yevgeni Malaşeviç fərqlənib.

21:05

UEFA Konfrans Liqasının II təsnifat mərhələsinin "Neftçi" - "Dinamo" (Minsk) oyununda ikinci hissə başlayıb.

Azərbaycan təmsilçisi hesabda irəlidədir - 2:1.

"Ağ-qaralar"ın kapitanı Emin Mahmudov 2-ci dəqiqədə hesabı açıb. Aleksandr Selyava 8-ci dəqiqədə avtoqol müəllifi olub. 36-cı dəqiqədə Karen Vardanyan fərqi azaldıb.

20:49

UEFA Konfrans Liqasının II təsnifat mərhələsinin "Neftçi" - "Dinamo" (Minsk) oyununda ilk hissə başa çatıb.

Azərbaycan təmsilçisi fasiləyə öndə yollanıb - 2:1.

"Ağ-qaralar"ın kapitanı Emin Mahmudov 2-ci dəqiqədə hesabı açıb. Aleksandr Selyava 8-ci dəqiqədə avtoqol müəllifi olub. 36-cı dəqiqədə Karen Vardanyan fərqi azaldıb.

20:39

UEFA Konfrans Liqasının II təsnifat mərhələsinin "Neftçi" - "Dinamo" (Minsk) oyununda növbəti qol vurulub.

Rəqib hesab arasındakı fərqi azaldıb - 2:1.

36-cı dəqiqədə Karen Vardanyan fərqlənib.

20:08

UEFA Konfrans Liqasının II təsnifat mərhələsinin "Neftçi" - "Dinamo" (Minsk) oyununda növbəti qol vurulub.

Azərbaycan təmsilçisi ikinci topu rəqibin qapısından keçirib - 2:0.

Qonaqlardan Aleksandr Selyava 8-ci dəqiqədə avtoqol müəllifi olub.

20:02

UEFA Konfrans Liqasının II təsnifat mərhələsinin "Neftçi" - "Dinamo" (Minsk) oyununda hesab açılıb.

Azərbaycan təmsilçisi 2-ci dəqiqədə hesabı açıb.

Komandanın kapitanı Emin Mahmudov fərqlənib.

19:59

UEFA Konfrans Liqasının II təsnifat mərhələsinin "Neftçi" - "Dinamo" (Minsk) oyunu başlayıb.

Qarşılaşma Bakıdakı "Palms Sports Arena"da keçirilir.

Matçın baş hakimi kiprli FIFA referisi Konstantinos Fellasdır.

Xatırladaq ki, cavab oyunu iyulun 30-da keçiriləcək. Cütün qalibi növbəti raundda "Jelezniçar" (Serbiya) - "Braqa" (Portuqaliya) duelinin güclüsü ilə görüşəcək.