Avrozonada dövlət borcu artdı

Avrozonada dövlət borcunun ümumi daxili məhsula (ÜDM) nisbəti bu ilin birinci rübündə 88,7 faizə çatıb.

News24.az xəbər verir ki, Avropa Statistika İdarəsi (Eurostat) 2024-cü ilin birinci rübü üçün Avropa İttifaqı (Aİ) və Avro Bölgəsinin dövlət borcu, büdcə kəsiri məlumatlarını açıqlayıb.

Məlumatlara görə, Avrozonada ötən ilin son rübündə 88,2 faiz olan dövlət borcunun ÜDM-ə nisbəti bu ilin birinci rübündə 88,7 faizə yüksəlib.

Aİ-də keçən ilin dördüncü rübündə yüzdə 81,5 olan dövlət borcunun ÜDM-ə nisbəti birinci rübdə yüzdə 82 olaraq ölçülüb.

Beləliklə, ümumi dövlət borcu Avrozonada 12 trilyon 926 milyard avroya, Aİ-də isə 14 trilyon 103 milyard avroya çatıb.

Günel Məlikzadə