Çətənə becərən keçmiş məhbus tutuldu

Çətənə becərən keçmiş məhbus tutuldu
KRİMİNAL

01 iyun 2019, 14:03

Mətn ölçüsü

Astara Rayon Polis Şöbəsinin əməkdaşları tərəfindən kultivasiya yolu ilə yetişdirilən narkotik tərkibli bitkilərin aşkar edilməsi və bu qanunsuz fəaliyyətlə məşğul olan şəxslərin ifşa olunaraq məsuliyyətə cəlb olunmaları istiqamətində növbəti əməliyyat tədbiri keçirilib. 

Daxili İŞlər Nazirliyinin Mətuat Xidmətindən News24.az-a verilən məlumata görə, Rayon Polis Şöbəsi əməkdaşlarının "Xaş-xaş 2019" tədbirlər planı çərçivəsində daxil olan məlumat əsasında keçirdikləri əməliyyat-axtarış tədbirləri nəticəsində Pensər kənd sakini, əvvəllər məhkum olunmuş Məharət Bayramovun yaşadığı evin həyətindən 50 ədəd, ümumi çəkisi 13 kiloqram olan narkotik tərkibli çətənə kolu aşkar edilərək götürülüb.

Faktla bağlı Astara Rayon Polis Şöbəsində araşdırma aparılır.