“Qurtuluş” yaşayış massivində qətl -Döyüb sonra güllələdilər

“Qurtuluş” yaşayış massivində qətl -Döyüb sonra güllələdilər
KRİMİNAL

25 fevral 2020, 21:19

Mətn ölçüsü

Abşeron rayonunda qətl hadisəsi baş verib. İnsident bir neçə gün əvvəl Masazır qəsəbəsinin “Qurtuluş” yaşayış massivi ərazisində qeydə alınıb.


News24.az xəbər verir ki, orta yaşlı kişi əvvəlcə döyülüb, daha sonra güllələnərək öldürülüb. Hadisəni törədən şəxslər cəsədi Masazırda basdırıblar. Qətlə yetirilən şəxsin qardaşı Sumqayıt Şəhər Polis İdarəsinə müraciət edərək qardaşının itkin düşdüyünü bildirib.


Hadisə haqqında hüquq-mühafizə orqanlarına məlumat daxil olan kimi dərhal əməliyyat qrupu yaradılıb.


Aparılan təxirəsalınmaz tədbirlər nəticəsində qətlə yetirilən şəxsin cəsədinin basdırıldığı yer müəyyənləşib. Cəsəd basdırıldığı yerdən çıxarılaraq tibbi ekspertizaya təhvil verilib. Araşdırmalar zamanı qətlə yetirilən şəxsin Abşeron rayonu Masazır qəsəbə sakini, 1977-ci il təvəllüdlü Mircəfərov Zaur Mirdadaş oğlu olması müəyyənləşib.


Faktla bağlı əməliyyat-axtarış tədbirləri davam etdirilir.