Azərbaycanda porsuğu taxta ilə vurub öldürən şəxs saxlanıldı

Daşkəsən rayonunda vəhşi heyvana qarşı rəhmsiz davranaraq onu taxta ilə öldürən şəxs tutulub.

News24.az-ın əldə etdiyi məlumata görə, hadisə rayonun Dəstəfur kəndində baş verib.

Kənd sakini 1995-ci il təvəllüdlü A.Yusifovun (şərti soyadlı) tələyə düşən heyvanı öldürməsinə dair görüntülər əsasında araşdırma aparılıb və polisə dəvət edilib.

Saxlanılan A.Yusifov bildirib ki, hadisə 2024-cü ildə baş verib və görüntülər də həmin vaxt çəkilib. O, porsuğun xeyli vaxt onların əkib becərdiyi kələmləri məhv etdiyini və buna görə tələ qurduqlarlı qeyd edib.

Saxlanılan şəxs barəsində İXM-nin 274.4-cü ( Heyvanlarla rəhmsiz rəftar edilməsi- bu əməllər heyvanların tələf edilməsinə səbəb olduqda) maddəsilə protokol tərtib edilib.

Daşkəsən məhkəməsinin müvafiq qərarı ilə vətəndaş cərimə olunub.

Yaşar Araz