Qayınları tərəfindən bıçaqlandı

Nərimanov rayonunda 40 yaşlı kişi qayınları tərəfindən bıçaqlanıb.

News24.az xəbər verir ki, hadisə Böyükşor yaşayış massivində, 73 saylı orta məktəbin yaxınlığında baş verib.

1979-cu il təvəllüdlü İbrahimov Ceyhun İslam oğlu qayınları tərəfindən bıçaqlanıb.

Bədənin müxtəlif nahiyələrindən çoxsaylı bıçaq zərbəsi alan yaralı dərhal xəstəxanaya çatdırılıb.

Ona qarının, kürəyin və belin çoxsaylı kəsilmiş-deşilmiş yaraları diaqnozu qoyulub.

Vəziyyətinin orta-ağır olduğu bildirilir.

Faktla bağlı araşdırma aparılır.