Dünyanın ən güclü telefonları açıqlandı

İyun ayının ən güclü “Android” smartfonlarını açıqlanıb.

News24.az xəbər verir ki, reytinqə əsasən, ən yüksək məhsuldarlıq göstərən telefon “iQOO 15 Ultra” olub. “Snapdragon 8 Elite Gen 5” prosessoru ilə təchiz edilən smartfon testdə orta hesabla 4,14 milyon xal toplayıb.

İlk üçlükdə həmçinin “Red Magic 11S Pro+” (4,10 milyon xal) və “iQOO 15” (4,05 milyon xal) qərarlaşıb.

Hər iki model “Snapdragon 8 Elite Gen 5” çipi ilə işləyir.

Reytinqin növbəti pillələrində “Vivo X300 Ultra”, ”realme GT 8 Pro”, “Honor WIN”, “OPPO Find X9 Ultra” və “Honor Magic 8 Pro” yer alıb.

İlk onluqda “MediaTek Dimensity 9500” prosessoru ilə təchiz olunan yeganə model “iQOO 15T” olub və 3,8 milyon xal toplayıb.

Siyahını isə “Honor Magic 8” (3,79 milyon xal) tamamlayıb.

Qeyd edək ki, reytinq yalnız Çin bazarında satışda olan modellər əsasında hazırlanıb və nəticələr smartfonların “AnTuTu” testində topladığı orta göstəricilərə əsaslanır.