Pişiyiniz xoşbəxtdirsə, bunu 7 əlamətdən anlaya bilərsiniz

Pişiklərin davranışı onların əhvalı və özünü necə hiss etməsi barədə çox şey deyə bilər. Baytarlar pişiyin özünü yaxşı hiss etdiyini və rahat həyat sürdüyünü göstərən 7 əsas əlamət açıqlayıb.

News24.az xəbər verir ki, mütəxəssislərin fikrincə, pişiklər emosiyalarını əsasən davranışları və bədən dili ilə ifadə edirlər. Məsələn, mırıltı və insanla “söhbətə girmək” heyvanın özünü təhlükəsiz hiss etdiyini göstərə bilər.

Quyruğun sual işarəsi formasında olması da müsbət əlamətlərdəndir. Rahat və xoşbəxt pişiklər quyruqlarını bükərək və ya yuxarı qaldıraraq gəzə bilərlər.

Pişiyin üzünü sahibinin ayağına və ya əlinə sürtməsi isə onun həmin insanı “özününkü” hesab etdiyini göstərə bilər. Eyni zamanda evdə sahibinin ardınca gəzməsi də ona yaxın olmaqdan zövq aldığını göstərən əlamətlərdəndir.

Yaxşı iştaha da pişiyin özünü rahat və təhlükəsiz hiss etdiyini göstərə bilər. Əksinə, heyvanın yeməkdən imtina etməsi sağlamlıq problemi ilə bağlı ola bilər və bu halda baytara müraciət etmək tövsiyə olunur.

Mütəxəssislər həmçinin cırmaqlamağı normal davranış hesab edir. Pişiklər bununla əzələlərini dartır, ərazini işarələyir və öz qoxularını buraxırlar.

Nəhayət, pişik sahibinin yanında olarkən quyruğunu yüngülcə titrədirsə, bu da sevinc və həyəcan əlaməti ola bilər.