"Samsung" işlədənlərin nəzərinə! Bunu mütləq edin

“Samsung” şirkəti aktual smartfon modelləri üçün təhlükəsizlik yeniləməsi yayımlayıb.

News24.az xəbər verir ki, bu il texnologiya nəhəngi yeniləmələrin təqdimatında müəyyən gecikmələrə yol verib. Şirkət flaqman modellər üçün yeniləməni vaxtında təqdim etsə də, daha əlçatan və geniş istifadə olunan cihazlar bu prosesi daha gec əldə edib.

May ayının əvvəlində isə məlum olub ki, mövcud cihazların hamısı əməliyyat sisteminin ən son versiyasına yenilənə bilmir.

Məlumata görə, aprel təhlükəsizlik yeniləməsi ümumilikdə 47 boşluğu aradan qaldırır. Bu boşluqlardan 33-ü “Google”, 10-u “Samsung Mobile”, 4-ü isə “Samsung Yarımkeçirici” bölməsi tərəfindən aşkarlanıb.

Şirkət istifadəçilərə cihazlarını yeniləməyi tövsiyə edib. Eyni zamanda bildirilib ki, bütün smartfonlar yeni funksiyalar təqdim edən “One UI 8.5” versiyasına yüksəldilə bilmir. /GizmoChina/