Telefonlar üçün ən güclü yaddaş açıqlandı

2026-cı ilə qədər müasir smartfonlarda artıq kifayət qədər yaddaş olmaya bilər.

News24.az xəbər verir ki, bu barədə Fransanın "Idée-Astuces" nəşri məlumat yayıb. Belə ki, 2026-cı ildə smartfonların rahat istifadəsi üçün 256 GB yaddaşa malik model seçmək tövsiyə olunur.

Media mütəxəssislərinin fikrincə, bu tutum böyük tətbiqlər quraşdırmağa, videolar çəkməyə və bir neçə il ərzində yaddaşın tükənməsindən qaçmağa imkan verəcək.

Müəlliflər izah ediblər ki, 128 giqabayt yaddaşa malik telefonlar yalnız mesajlaşma, veb saytlara baxmaq, sosial mediada gəzmək və bəzən şəkil çəkmək üçün telefonlarından istifadə edən istifadəçilər üçün uyğundur.

Məqalədə həmçinin qeyd olunur ki, hətta 128 giqabayt yaddaşın tam həcmi belə istifadəçi üçün əlçatan olmayacaq, çünki yaddaşın bir hissəsi əməliyyat sistemi (ƏS) və əvvəlcədən quraşdırılmış fayllar tərəfindən istifadə olunur.