Dünyanın ən kasıb dövlət başçısı: - Evi olmayıb, 220 dollar maaş alıb

İndoneziyanın ilk prezidenti Əhməd Sukarno “dünyanın ən kasıb dövlət başçısı” kimi tarixə düşsə də, onun haqqında irəli sürülən iddialara görə, əslində onun əlli tondan çox bahalı qızıla sahib olduğu bildirilir. Lakin araşdırmalar göstərir ki, söz-söhbətlər sadəcə iddiadır və uzun illər keçsə də o, dünyanın ən kasıb prezidenti adını qoruyub saxlayır.

News24.az xəbər verir ki, “CNBC Indonesian”ın məlumatına görə, bir müddətdir ki, onun İsveçrədəki bir bankda təxminən 57 ton qızıl saxladığına dair şayiələr dolaşır.

Bu xəbər həm də onun 1963-cü ildə ABŞ prezidenti Con Kennedidən tələb etdiyi borcla bağlı idi.

Amerika sosial şəbəkələrindəki məlumata görə, Əhməd Sukarnonun həqiqətən də böyük sərvətinin olmadığı üzə çıxıb.

Tarixi məlumatlar göstərir ki, o, ciddi maliyyə çətinlikləri ilə üzləşib və maddi baxımdan onun həyatı kifayət qədər sadə olub. Fakt budur ki, onun maaşı cəmi 220 dollar olub və onun nə evi, nə də torpağı var idi.

Əhməd Sukarno 1964-cü ildə Sindi Adamsa verdiyi müsahibədə deyib: “Mənim nə torpağım, nə də evim var idi... Mənim kimi kasıb olan və tez-tez köməkçilərindən borc alan dövlət başçısı varmı?” 

Oğlu Guntur Sukarnoputra da 2020-ci ildə Sukarnonun "dünyanın ən kasıb prezidenti" olduğunu bildirib.

İndoneziyalı tarixçi Ong Hok Ham Sukarnonun qızıl ehtiyatları ilə bağlı geniş yayılmış əfsanənin həqiqəti əks etdirmədiyini və bunun şayiə olduğunu vurğulayıb.

Aynurə