Çingiz Mustafayevin "Truth" mahnısı çantaların üzərində VİDEO
    • 17-05-2019, 16:43
    • 1 099

Çingiz Mustafayevin "Truth" mahnısı çantaların üzərində VİDEO

 "Eurovision 2019" mahnı müsabiqəsində hər il olduğu kimi, bu il də Azərbaycan təmsilçisi üçün xüsusi promo məhsullar hazırlanıb. 

Çingiz Mustafayev üçün hazırlanan bu ilki məhsullarda ilk dəfədir ki, yerli brendə müraciət olunub. "Pink" və "HE accessories"in sahibi Hüseyn Əliyev News24.az-a müsahibə verərkən təklifi yüksək qiymələndirdiyini bildirib. O, Azərbaycanın qatıldığı hər bir beynəlxalq layihə ilə qürür duyduğunu deyib.
Promo-materialların üzərində Çingiz Mustafayevin ifa etdiyi "Truth" mahnısının adı və loqosu yerləşdirilib.

H.Əliyev onu da bildirib ki, hazırlanan promo-materiallarda müasir dövrə uyğun müxtəlif rənglərdə bel çantası, belt-bag, boyunbağı, açarlıq, mahnının yer aldığı disk və başqa əşyalar yer alır. Avropa nümayəndə heyətləri və mətbuat nümayəndələrinə hədiyyə olunan bu promo-materiallar hər kəsin ürəyincədir.

Onu da deyək ki, bu məhsullar yarıma keçirildiyi illər ərzində Azərbayxan təmsilçinin təbliğatı üçün ən uğurlu promo-materialdır.  "Pink" və "He Accessories" mağazalar şəbəkəsinin rəhbəri Hüseyn Əliyevin News24.az-a müsahibəsini təqdim edirik.