İTV kitab aksiyası EDİR

İctimai Televiziya və Radio Yayımları Şirkəti 23 aprel Ümumdünya Kitab və Müəllif Hüquqlarının Qorunması Günü ilə bağlı maraqlı aksiyaya start verib.

News24.az xəbər verir ki, telekanalda gün ərzində hər saat iki sual səsləndirilir - bu suallardan istənilən birinə cavab verən hər bir şəxs kitab qazanır. Əli və Nino kitab evinin dəstəyi ilə keçirilən aksiyada iştirak etmək istəyənlər gün ərzində İTV-ni izləyə və düzgün cavabı +99450345 0101 nömrəsinə whatsapp vasitəsilə yazıb yollaya bilərlər. 

Qeyd edək ki, 23 aprel axşam saat 20:00-a qədər aktiv olacaq aksiya Ümumdünya Kitab və Müəllif Hüquqlarının Qorunması Günü ilə bağlı təşkil olunub.