Seulda Azərbaycan xalçalarının sərgisi açılıb

Seulda Azərbaycan xalçalarının sərgisi açılıb
MƏDƏNİYYƏT / SİYASƏT

04 dekabr 2018, 11:30

Mətn ölçüsü

Azərbaycanın Cənubi Koreyadakı səfirliyi Seulda Koreya Fondu Qalereyasında Azərbaycan xalçalarının sərgisini təşkil edib.

"Bu gün tarixi əhəmiyyətli hadisəyə şahid oluruq. İnanıram ki, bu, Azərbaycan ilə Koreya arasında mədəni əlaqələrin inkişafında mühüm mərhələ olacaq", - Azərbaycan səfiri Rəmzi Teymurov sərginin açılışında bildirib.
O, Azərbaycan xalçalarının bu gün Ağ evdə və ABŞ Dövlət Departamentində mövcud olduğunu, eləcə də dünyanın bir çox muzeylərində, o cümlədən Parisdəki Luvr Muzeyində, Nyu-Yorkdakı Metropoliten Muzeyində, Boston İncəsənət Muzeyində, Sankt-Peterburqdakı Ermitaj Muzeyində saxlandığını vurğulayıb.
Dekabrın 19-dək davam edəcək "Xalçalar - Azərbaycanın inciləri" sərgisi Azərbaycan Demokratik Respublikasının (ADR) müstəqilliyinin elan olunmasının 100 illik yubileyinin qeyd edilməsi çərçivəsində keçirilir.

//Report