"Bu etimada görə ölkə başçısına minnətdaram" – Hicran Nəsirova

Azərbaycan Respublikası Prezidentinin fərdi təqaüdünə layiq görülmək mənim üçün böyük qürur və məsuliyyətdir. Ümummilli Lider Heydər Əliyev və Prezident İlham Əliyev hər zaman mədəniyyətə, incəsənət xadimlərinə xüsusi diqqət və qayğı göstərib. Bu diqqət sənət adamlarını daha da ruhlandırır.

News24.az xəbər verir ki, bunu Əməkdar artist Hicran Nəsirova deyib.

Səhhətində yaranan problemlər səbəbi ilə bir müddət film və tamaşalarda rol ala bilmədiyini diqqətə çatdıran aktrisa deyib: “Tamaşaçılarım üçün çox darıxmışam. Ümid edirəm ki, yenidən səhnədə və ekran qarşısında onlarla görüşəcəyəm. Yaradıcılığıma göstərilən bu etimada görə ölkə başçısına minnətdaram”.

Qeyd edək ki, Prezident İlham Əliyevin mayın 7-də imzaladığı Sərəncamla Hicran Nəsirovaya Prezidentin fərdi təqaüdü verilib. (Azertac)