Alkoqolsuz pivə içənlər ehtiyatlı olmalıdır

Spirtsiz pivə sərxoşluqdan sonrakı halsızlığı aradan qaldırmır.

News24.az xəbər verir ki, bunu rusiyalı psixiatr-narkoloq Marina Alekseyeva bildirib.

Mütəxəssis qeyd edib ki, alkoqolsuz pivənin qəbulu zamanı səhhətin pisləşməsi susuzlaşma, su-duz balansının pozulması və spirtin parçalanma məhsullarının toksik təsiri səbəbindən baş verir.

"Heç bir spirtsiz içki orqanizmdə spirtin emalını sürətləndirmək gücündə deyil. O, bərpa sürətinə təsir etmir", — deyə Alekseyeva bildirib.

"Orqanizmə su, istirahət və zaman lazımdır. Spirtsiz pivə heç bir xüsusi bərpaedici xüsusiyyətə malik deyil, toksinləri xaric etmir və qaraciyərə kömək etmir", — deyə mütəxəssis qeyd edib.

Alekseyeva bildirib ki, alkoqol asılılığı olan və ya müalicə keçən şəxslər spirtsiz pivənin qəbulu zamanı xüsusilə ehtiyatlı olmalıdırlar.

"İnsan özlüyündə “mən içmirəm” deyir. Formal olaraq bu belədir. Lakin beyin əvvəllər spirtli içki qəbulunu müşayiət edən vərdiş olunmuş siqnalları alır. Bəzi xəstələrdə bu, köhnə vərdişlərə qayıtmağın ilk addımına çevrilir", — deyə həkim vurğulayıb.