Beyni gənc saxlayan 15 qida açıqlandı

Beyin sağlamlığını qorumaq üçün yalnız fiziki aktivlik və keyfiyyətli yuxu deyil, düzgün qidalanma da mühüm rol oynayır. Mütəxəssislər yaş artdıqca yaddaşı və idrak funksiyalarını dəstəkləyən qidaların siyahısını açıqlayıblar.

News24.az xəbər verir ki, bu barədə "Prevention" nəşri məlumat yayıb.

Bildirilib ki, omeqa-3 yağ turşuları, B qrupu vitaminləri, maqnezium və antioksidantlarla zəngin qidalar beyin fəaliyyətinə müsbət təsir göstərir. Xüsusilə qızılbalıq, forel, çia toxumu və digər omeqa-3 mənbələri yaddaşın qorunmasına kömək edə bilər.

Mütəxəssislər həmçinin fıstıq, qaragilə, ispanaq, lobya, balqabaq tumu, yumurta, brokkoli, avokado və yaşıl çayın da beyin sağlamlığı üçün faydalı olduğunu qeyd edirlər. Bu məhsulların tərkibində olan antioksidantlar və faydalı maddələr iltihabı azaltmağa, hüceyrələri qorumağa və idrak funksiyalarını dəstəkləməyə kömək edir.

Araşdırmalara görə, tünd şokolad da beyinə qan axınını yaxşılaşdıraraq yaddaş və diqqətə müsbət təsir göstərə bilər.

Mütəxəssislər vurğulayırlar ki, bu qidaların müntəzəm istehlakı yaşla əlaqədar idrak zəifləməsinin qarşısını almağa və beyin sağlamlığını uzun müddət qorumağa kömək edə bilər.