Həkim döş xərçənginin cavanlaşmasının səbəblərini açıqladı

Son illərdə döş xərçəngi halları 40 yaşdan aşağı qadınlar arasında daha çox qeydə alınmağa başlayıb.

News24.az xəbər verir ki, bunu Rusiyanın tanınmış mammoloq-onkoloq və kimyaterapevti Maqomed Sulimanov deyib.

Həkimin sözlərinə görə, artıq çəki gənc yaşda döş xərçənginin yaranma riskini artıran əsas amillərdən biridir. O bildirib ki, piy toxuması hormonal mübadilədə fəal iştirak edir və qadın orqanizmində estrogen hormonunun səviyyəsinin yüksəlməsinə səbəb olur. Bu isə hormondan asılı şişlərin, o cümlədən döş xərçənginin inkişaf ehtimalını artırır.

Sulimanov əlavə edib ki, oturaq həyat tərzi, fiziki aktivliyin azlığı, xroniki yuxusuzluq və uzunmüddətli stress də xəstəliyin yaranmasına təsir göstərən mühüm risk faktorları sırasındadır. Bu amillər hormonal tarazlığın pozulmasına və reproduktiv sistemin fəaliyyətinə mənfi təsir göstərə bilər.