Meyvə təravətli mineral sular da zərərlidir?

Meyvə dadlı mineral sular ilk baxışda zərərsiz görünür. Lakin bu içkilər düşündüyünüz qədər məsum olmaya bilər.

News24.az xəbər verir ki, mütəxəssislər bu suların tərkibinə diqqət çəkir. Çünki onların çoxuna bol miqdarda şəkər əlavə olunur. Bəzi markaların tərkibindəki şəkər miqdarı qazlı içkilərlə eynidir. Bu da çəki artımına və diabet riskinə yol açır.

Şəkərsiz olanlarda isə süni dadlandırıcılar istifadə edilir. Həmin maddələr mədə sisteminə və maddələr mübadiləsinə mənfi təsir edir.

Eyni zamanda bu içkilərdə sitrus turşusu olur. Mütəmadi istifadə diş emalını zədələyir və həssaslıq yaradır.

Beləliklə, meyvəli mineral suları hər gün içmək sağlamlıq üçün risk yaradır. (Demokrat.az)