28 il keçsə də… – Leonardo Di Kapriodan sensasion etiraf

“Titanik” filminin ulduzu Leonardo Di Kaprio etiraf edib ki, 1997-ci ildən bəri həmin filmi bir daha izləməyib.

News24.az xəbər verir ki, Di Kaprio bu barədə “Oscar” mükafatı laureatı Cennifer Lourens ilə söhbətində danışıb.

“Actors on Actors” proqramında aktrisa ondan soruşub: “Titaniki təkrar izlədinmi?”. Di Kaprio cavab verib: “Xeyr, mən bu filmi bir daha heç vaxt izləməmişəm. Ümumiyyətlə öz filmlərimi izləməyə üstünlük vermirəm”.

Leonardonun sözlərinə görə, “Titanik”in premyerası onun üçün kabus kimi olub. 1997-ci ildə film Tokioda nümayiş olunanda, böyük medianın böyük diqqətinə baxmayaraq, Di Kaprio tədbirdə iştirak edib, lakin atmosfer o qədər xaotik olub ki, həyəcanına görə kinoteatrda filmi izləyə bilməyib. Daha sonra aktyor müsahibələrində bildirib ki, filmi yalnız müəyyən bir müddət sonra daha sakit şəraitdə izləyib və görünür, bu onun ilk və son izləməsi olub.