Günaydan fərqli klip- Tramvay, metro, tank... - VIDEO

Azərbaycanın tanınmış müğənnisi Günay İbrahimli fərqli bir tərzdə kamera qarşısına keçib.

News24.az xəbər verir ki, son zamanlar geyimləri və maraqlı obrazları diqqət çəkən ifaçı yeni klip çəkilişi üçün Ukraynaaya yollanıb.  

Üç günlük səfər zamanı rejissor Fərhad Əli və xarici komanda ilə birgə “Can atma” adlı ritmik mahnınısı ekranlaşdırıb. Layihə üzərində böyük bir heyət çalışıb.

Çəkilişlər Kiyev şəhərində (metro, tramvay, köhnə zavod, körpü, tank üzərində)  reallaşıb.  Sənətçinin bu dəfə obrazı üzərində dizayner Nigar Atakişizadə çalışıb və Günay üçün dörd geyim hazırlanıb.

Bundan əlavə, ekran işində İbrahimli maraqlı rəqsi ilə də diqqət çəkib. Müğənninin klipi bir neçə dəqiqə bundan əvvəl rəsmi “Youtube” səhifəsində yerləşdirilib.

Bu məqamda bildirək ki, “Can atma” adlı mahnının sözləri Aydan Xəndana, musiqisi İsmayıl Əsədova məxsusdur.