Xanlar Vəliyev: "Silahlı Qüvvələrdə törədilən cinayətlər..."

Xanlar Vəliyev: "Silahlı Qüvvələrdə törədilən cinayətlər..."
SİYASƏT / HADİSƏ

01 oktyabr 2019, 15:07

Mətn ölçüsü

“Silahlı Qüvvələrdə törədilən cinayətlərin və digər qanun pozuntularının ildən-ilə azalması tendensiyası davam edib”.

Hərbir Prokurorluqdan News24.az-a verilən məlumata görə, bunu Azərbaycan Respublikası Prokurorluğunun yaranmasının 101 illiyinə həsr olunmuş mərasimdə Hərbi prokuror Xanlar Vəliyev deyib.

O bildirib ki, cinayətkarlığa qarşı mübarizə, qanunçuluq və hüquq qaydasının möhkəmləndirilməsi istiqamətində görülən işlər səmərəli olub:“Hərbi prokurorluq orqanlarının fəaliyyəti Silahlı Qüvvələrdə hərbi intizamın möhkəmləndirilməsinə, cinayətkarlığın və digər qanun pozuntularının qarşısının alınması və aradan qaldırılmasına, insan və vətəndaş hüquq və azadlıqlarının qorunmasına, o cümlədən hərbi idarəçilik strukturlarında hərbi qulluqçuların və mülki vətəndaşların hüquq və qanuni mənafelərinə zərər vuracaq əməllərin qarşısının alınmasına, işin səmərəliliyinin artırılmasına, eyni zamanda ordu quruculuğuna mənfi təsir edə biləcək nöqsanların və qanun pozuntularının aradan qaldırılmasına yönəldilib”, - deyə X. Vəliyev vurğulayıb.