Səfirlik və Baş konsulların işçiləri qayıtmayacaqlar
    • 23-03-2020, 23:12
    • 791

Səfirlik və Baş konsulların işçiləri qayıtmayacaqlar

"Diplomatik nümayəndəliklərin rəhbərləri, səfirlər, Baş konsullar, Səfirlik və Baş konsulların işçiləri, onların ailə üzvləri koronavirus pandemiyasının yayıldığı ölkələrdə fəaliyyətlərini davam etdirir”.


News24.az xəbər verir ki, jurnalistlərə açıqlamasında Azərbaycan Respublikası Prezidentinin köməkçisi - Prezident Administrasiyasının Xarici siyasət məsələləri şöbəsinin müdiri Hikmət Hacıyev deyib.


Onun sözlərinə görə, koronavirus pandemiyası Çində başlayandan orada olan səfirliyimiz bu günə qədər tam tərkibdə fəaliyyət göstərir:


“Cənubi Koreyada, İran İslam Respublikasında, İtaliyada, o cümlədən, digər koronavirusun yayıldığı ölkələrdə səfirliklər fəaliyyətini davam etdirir”.


“Dövlət başçısı tərəfindən tapşırıq da verilib ki, diplomatik nümayəndəliklərimiz orada qalmalı, fəaliyyətlərini davam etdirməlidir. Onlar zəruri hallarda Azərbaycan vətəndaşlarına xidmət etməli, kömək göstərməlidirlər”, - deyə Hikmət Hacıyev əlavə edib.