"Ağdam 2-3 ilə tam bərpa oluna bilər" - İLHAM ƏLİYEV

"Ağdam 2-3 ilə tam bərpa oluna bilər" - İLHAM ƏLİYEV
SİYASƏT

26 fevral 2021, 13:10

Mətn ölçüsü

"Bu ilin sonuna qədər daha 3000 şəhid ailəsi ev və mənzillərlə təmin ediləcək. Biz buna bir növ öyrəncəliyik. Bunun təcrübəsi bizdə var. Hər il 3-4 min ev və mənzil inşa edə bilirik".

News24.az -ın xəbər verir ki, bunu Azərbaycan Prezidenti İlham Əliyev bu gün yerli və xarici jurnalistlər üçün keçirdiyi mətbuat konfransında deyib.

Prezident bildirib ki, Ağdam şəhəri 2-3 il ərzində tam bərpa oluna bilər: "Təbii ki, bundan əvvəl ərazi minalardan təmizlənməli və infrastruktur layihələri həyata keçirilməlidir. Bütün şəhərlərin enerji şəbəkəsi yaradılacaq və artıq büdcə, proqramı təsdiq edilib. Bu ilin sonuna qədər elektrik enerjisi təminatı başa çatdırılacaq. Biz tək evləri tikməli deyilik. Xəstəxana, məktəb, bağça tikilməli və yeni iş yerləri açılmalıdır. Bütün bu işlər böyük qayıdış proqramının tərkib hissəsidir. Bu işlər tək Ağdama yox, digər şəhərlərə də aiddir. Qarşıda böyük işlər var və biz bütün bunları daxili resurslarımız hesabına edəcəyik və artıq başlamışıq".