Azərbaycan XİN Pakistana başsağlığı verdi

“Pakistanın Kəraçi şəhərindəki ticarət mərkəzində baş verən faciəli yanğın nəticəsində günahsız insanların həlak olması və yaralanması ilə nəticələnən hadisədən dərin kədər hissi keçiririk.”

News24.az xəbər verir ki, bu sözlər Azərbaycan Xarici İşlər Nazirliyinin hadisə ilə bağlı yaydığı bəyanatda öz əksini tapıb.

XİN-in yaydığı bəyanatda həmçinin deyilir: “Həlak olanların ailələrinə, qardaş Pakistan xalqına və hökumətinə dərin hüznlə başsağlığı veririk. Yaralılara tezliklə şəfa diləyir və bu çətin dövrdə Pakistanla həmrəy olduğumuzu bildiririk”.

Xatırladaq ki, Kəraçinin ən böyük ticarət mərkəzi olan "Gul Plaza"da yanğın olub və son məlumata görə, hadisə zamanı 21 nəfər həyatını itirib.