Zelenski Ankaraya nə üçün gedir? Sabahkı səfərin pərdəarxası detalları ortaya çıxdı

Ukrayna Prezidenti Volodimir Zelenski sabah Türkiyəyə səfər edəcək.

News24.az-ın məlumatına görə, Zelenski Türkiyədə bir sıra görüşlər keçirəcək. Onun sözlərinə görə, danışıqları yenidən canlandırmaq üçün hazırlıq aparılır və tərəfdaşlara təqdim ediləcək həll yolları artıq müəyyənləşdirilib.

Zelenski vurğulayıb ki, müharibənin sona çatdırılması Ukraynanın əsas prioritetidir. O həmçinin hərbi əsirlərin dəyişdirilməsinin yenidən başlaması və ukraynalı əsirlərin geri qaytarılması üçün iş aparıldığını bildirib.