Mehriban Əliyeva “Salaam Cinema”nı nəzarətə götürdü

Mehriban Əliyeva “Salaam Cinema”nı nəzarətə götürdü
SOSİAL

08 may 2019, 09:36

Mətn ölçüsü

Azərbaycanın birinci vitse-prezidenti Mehriban Əliyeva Süleyman Rüstəm küçəsində yerləşən və son günlər söküləcəyi ilə bağlı xəbərlər yayılan “Salaam Cinema”nı nəzarətə götürüb. 

News24.az xəbər verir ki, bu barədə Mehriban Əliyeva "İnstagram" hesabında yazıb: "Azərbaycanın və onun paytaxtı Bakının memarlıq və tarixi irsinin qorunub saxlanılması hər birimiz üçün prioritet məsələdir. Onun həlli üçün həm vətəndaş mövqeyi, həm insanların öz doğma şəhərinin simasına biganə yanaşmaması, həm də fəal ictimai nəzarət gərəkdir. Bakının Süleyman Rüstəm küçəsindəki qədim bina ətrafında yaranmış vəziyyət dövlətin nəzarəti altındadır. Ölkəmizin mədəni irsinə xələl gətirilməməsi üçün bütün lazımi tədbirlər görülür, axı unikal və müxtəlif memarlıq abidələri bizim ümumi sərvətimizdir. Ölkəmizi, şəhərimizi doğma evimiz – ümumi evimiz kimi qorumalıyıq".

Instagram