“Mən o itlərə heç zaman xidmət etmədim” - Mübariz Mənsimov

“Mən o itlərə heç zaman xidmət etmədim” - Mübariz Mənsimov
SOSİAL

13 yanvar 2021, 16:42

Mətn ölçüsü

Bakı vaxtı ilə saat 11:00-da başlayan Türkiyə Cümhuriyyətinin 27-ci İstanbul Ağır Cəza məhkəməsi azərbaycanlı iş adamı, “Palmali” şirkətinin rəhbəri Mübariz Mənsimov barəsində irəli sürülən ittihamnaməyə baxır.   

News24.az xəbər verir ki, iş adamının köməkçisi Fidan Quliyeva 15 ilə qədər həbsi istənilən Mənsimovun məhkəmədə verdiyi ifadəni sosial şəbəkələrdə paylaşıb:

“Məni həbs etmək terror şəbəkəsinin çörəyinə yağ sürtməkdi. Men heç bir zaman FETÖ-çü olmadım, deyiləm, ola da bilmərəm! Azad olunmağımı istəyirəm! Heç bir zaman dövlətin iradəsinə zidd heç bir şey etmədim. Tam əksinə, bütün şirkətlərimi bağlayıb Türkiyəyə daşındım. Mənim burda 10 ay qalmağım şirkətimi iflas durumuna gətirdi. O gəmilərdə qalan gəmiçilərin nə günahı var? Onlar maaş ala bilmir, ailələri pis vəziyyətdədir. Orada olan azərbaycanlı və türklərdi.

“Palmali”nin iflasa uğraması türk markasının yox olması deməkdir. Mənim şirkətim dünyada 5-ci sırada gedən şirkətlərdən biri idi. Bu bir Türk markası idi. Mən bir an öncə işimin başına keçməliyəm, cənab Hakim!

Mənə FETÖ damğasını kimsə vura bilməz. Mənim onlara necə nifrət etdiyimi hamı bilirdi. Mən o köpəklərə heç bir zaman xidmət etmədim, etmərəm də! Elə idisə, bu günə qədər məktəb, xəstəxanaları hansısa vəqfə və ya bu təşkilata hədiyyə edərdim. Mən hamısını inşa etdirdim və dövlətə təslim etdim”, - deyə M. Mənsimov ifadəsində bildirib.