Kimisi sevindi, kimisi ağladı... - Birincilərin ilk günü - FOTOREPORTAJ
Sosial
Bu gün Azərbaycanda yeni tədris ili başladı. Məktəblər qapılarını yenidən şagirdlərinin üzünə açdı. Hər il olduğu kimi bu il də günün ən böyük həyəcanını ilk dəfə məktəbə qədəm qoyan balacalar yaşadı.
Sentyabrın 15-i onlar üçün sadəcə yeni dərs ilinin deyil, həm də həyatlarının yeni mərhələsi, daha maraqlı, daha məsuliyyətli bir dövrün - ilk zəng, ilk müəllim, ilk sinif yoldaşları və ilk məktəb xatirələrinin başlanğıcıdır.
Həyəcanlı, sevincli balacalarla yanaşı valideynlər üçün isə bu gün özəldir. Onlar üçün də bu gün övladlarının böyüdüyünü hiss etdikləri kövrək anlardan biridir.
Qeyd edək ki, bu il ölkə üzrə 132 min 261 uşaq birinci sinfə qəbul olunub.
Biz də bu gün ilk dəfə məktəbə qədəm qoyan bütün balacaları təbrik edirik, onlara bol müvəfəqiyyət, gözəl xatirələr və uğurlu təhsil yolu arzulayırıq.
Bilik Gününüz mübarək!
