İndiyədək Qarabağ və Şərqi Zəngəzura ayrılan vəsait açıqlandı

Qarabağda və Şərqi Zəngəzurda 96 min insan yaşayır, çalışır, təhsil alır. 

News24.az xəbər verir ki, bu barədə Prezident İlham Əliyev Yeni Azərbaycan Partiyasının (YAP) VIII Qurultayında çıxışı zamanı söyləyib.

Dövlət başçısı bildirib ki,  bu günə qədər bu bölgələrin inkişafına 28 milyard manat vəsait ayırılıb. Onların böyük əksəriyyəti infrastruktur layihələrinə istiqamətləndirilib, onların böyük hissəsi başa çatıb.

Eyni zamanda, bu gün 48 yaşayış məntəqəsində keçmiş köçkünlər artıq məskunlaşıb və bundan sonrakı illərdə “Böyük Qayıdış” daha da sürətlə gedəcək.