Qubada çirkab suları evlərin həyətinə doldu

Qubanın Alekseyevka kəndində küçədə kanalizasiya borusu zədələnib və nəticədə çirkab suları yaxınlıqdakı evlərin həyətlərinə dolub.

News24.az xəbər verir ki, bu barədə Bizim.Media-ya sakinlər məlumat veriblər.

Quba Rayon İcra Hakimiyyətinin başçısının Alekseyevka üzrə nümayəndəsi Mehman Mahmudov faktı təsdiqləyib.

O qeyd edib ki, hadisə güclü yağışlardan sonra baş verib.

Hazırda Fövqəladə Hallar Nazirliyinin Şimal regional mərkəzinin əməkdaşları həmin həyətlərdə təmizləmə işləri aparırlar.